الصفحات
الكاملة
تيوب
الدستور
رسالة جلالة
الملك للدستور
موقع
زوار الأردن
موقع
جلالة الملكة
موقع
جلالة الملك

تعب الناس!

تم نشره في الاثنين 18 شباط / فبراير 2019. 12:00 صباحاً

  ماجد شاهين

 إن ْ شافوك حامل كيس بصل من باب الجامع، مثلا ً، وكنت اشتريته بعد العصر .. بيهتفوا : شكلها جيبتك مليانه !
إن صادف مرورهم وأنت تأكل ساندويشة اشتهيتها من عند « شاهين « أو الشلتاوي .. يعني فلافل .. بيهتفوا على طول : شكلكم مبطّلين تطبخوا في الدار أو بتحوّشوا المصاري !
إن ْ شافوك لابس بنطلون مكوي وقميص وحذاء ... بيهمسوا أو بيتمتموا أو بيصرخوا : وين مشخّص و رايح ... مبيّن القعدة دسمة أو السهرة فوق .
إن ْ شافوك كالعادة بالحذاء الخفيف و ملابس الحارة تتمشى و تسير في الأسواق و تأخذ جولة في أماكنك الأثيرة .. بيطلع واحد وبيقول : يا عمّي وبعدين معك، احلق ها اللحية و خفف هالشعرات .. مثل ما كنا نعرفك زمان !
طبعا ً المتحدث لا يزيد عمره على 20 سنة فيما اللحية مزروعة بدون اقتلاع منذ 1976 .
إن شافوك رايح للمصبغة حتى تكوي قميصك أو بنطلونك .. بيصرخوا : يا زلمه ليش تكوي وتتعب حالك .. ما أنت طول نهارك وليلك بالبيجاما .
إن ْ شافوك جالس عند رصيف .. بيعملوا حالهم مصدومين : خير يا ساتر ليش قاعد هون .
طبعا ً من ألف سنة وأنت تجلس هنا قبل الرصيف وبعده .
 إن ْ صادفوك عند محل الدجاج، السؤال بيكون : شو شكلكم طابخين اليوم ؟
إن ْ قابلوك وجها ً لوجه عند محل خضار أو بقالة أو حتى عندي كندرجي .. بيسألوا بعد النظر بتفحص إلى جيوبك : شو معقول في رواتب اليوم أو لسه بعدكم مش صارفين الراتب ؟
إن ْ وجدوك مريضا ً متعبا ً، بيسألوا ألف سؤال عن حالك وعن المرض .. وفي آخر الأمر بيقولوا لك : كلنا حال واحد !
..
 و يصادفك أحدهم، وينادي عليك في الشارع وبصوت مرتفع، يا أستاذ .. وبيعرفش اسمك طبعا ً، المهم بيسألك عن شخص رآه رفقتك قبل أسبوعين عند حلاق .. بتحكيله اسمه و بتحكيله ليش السؤال، بيرد ّ المحترم و بيحكيلك : بدي أبعثله كرت عرس !
طيّب يا عمي بتعرفه ؟
بيقولّك : لا !
طيب ليش بدك تبعثله، بيقولّك رأيته في عرس فلان و ضحكت معه من بعيد .
..
للمناسبة، وكما أشار أحد الأصدقاء، إذا تأخر أحدنا في « قضاء الحاجة «، قد يجيء شخص ويسأله : يبدو أن وجبتك اليوم كانت دسمة، هل تناولت كذا ؟
المهم ّ، هذا الصنف وذاك من البشر صاروا ظاهرة وتكاثروا وتنوعت أدوارهم .

رئيس مجلس الإدارة: محمد داوودية - رئيس التحرير المسؤول: مصطفي الريالات - المدير العام: الدكتور حسين العموش