الصفحات
الكاملة
تيوب
الدستور
رسالة جلالة
الملك للدستور
موقع
زوار الأردن
موقع
جلالة الملكة
موقع
جلالة الملك

فِطرتنا الحب والخير!

تم نشره في الأربعاء 20 آذار / مارس 2019. 01:00 صباحاً


شروق عويس
العالم كتير بشع وبطلّت تنطاق العيشة!
كل ماله بيزيد بشاعة يوم عن يوم.
الحقد والكراهية معشّشة بِلُبّ الكوكب!
أذاننا تعوّدت على صوت البُكا.
عيوننا تعوّدت عمنظر الدم.
حرب وإرهاب وقتل وجوع وفقر وتشريد وكره وغُل وفساد وجهل!
نحنا مجبولين بالحب!
فِطرتنا الحب والخير!
ما بعرف شو اللي صار وخلّانا هيك!
اللي قَتل في نيوزلاندا ما فجأة خطر عباله الموضوع ومسك كاميرته والرشاش ونزل، لأ.
الإشي مزروع بنفسه!
الكره عاميه زي ما عامي قلوب مثله في العالم.
الشغلات هاي بتيجي بالتدريج.
بيكرههم من جوا،
يكره وجودهم معه بنفس البلد،
بعدين صار يتخوّت عليهم وعلى أشكالهم.
صار عالعلن يهينهم ويتمسخر عليهم ويؤذيهم بالحكي،
صارت الأذية تصير فيزيكال مش بس حكي.
قرر انه وجودهم مش صح وما الهم حق يعيشوا.
شاف ناس بتعمل عمليات ارهابية بسهولة.
يمكن خطط للموضوع شهر زمن.
واجا ببساطة صور العملية زي كإنها video game وانه حياتهم تافهة وأرواحهم لعبة بإيده.
انا بكره فلان لأنه مختلف عني.
لبسها غير لبسي.
دينه مش من ديني.
أفكارها كتير غبية وبحس وجودها بالحياة ما اله داعي!
هيك كانت البدايات.
و بالنهاية بيطلع عالم مليان كره وقرف وبشاعة مطلقة!
ربنا خلقنا مختلفين لنكمّل بعض مش لنكره بعض!
كل الشغلات البشعة حلها الحُب.
حِب الناس مستحيل تآذيهم.
حِب الأرض مستحيل تخرّبها.
حِب الفقرا والمساكين بتعطيهم.
حِب حالك لتحب اللي حواليك.
متخيلين شو ممكن يصير بشوية حب زيادة؟
لما نقسم الخبزة نصين ببطل في جوع وفقر.
لما نشوف الحدود خطوط وهمية ببطل فيه حروب.
لما تحب الخير وتعمل خير بتلاقي خير!
مش رح يصير عالم وردي أنا بأكدلكم!
ما في إشي اسمه عالم خالي من المشاكل والشغلات البشعة.
بدون السواد ما منشوف البياض.
بس الإشي اللي بأكدلكم ياه، إنه العالم رح يصير كتير ألطف.
والحِمل يكون كتير أخف.
ضلكم بخير

رئيس مجلس الإدارة: محمد داوودية - رئيس التحرير المسؤول: مصطفي الريالات - المدير العام: الدكتور حسين العموش