الصفحات
الكاملة
تيوب
الدستور
رسالة جلالة
الملك للدستور
موقع
زوار الأردن
موقع
جلالة الملكة
موقع
جلالة الملك

الراكب والشوفير

يوسف غيشان

الخميس 12 آب / أغسطس 2010.
عدد المقالات: 1886
الراكب والشوفير * يوسف غيشان

 

(ضجيج وزوامير توحي ان الشوفير يقود سيارته في الشارع)

الشوفير:

- يا صباح يافتاح يا عليم رمضان كريم...شو هاظا اللي بإشرلي إنس والا جن؟

(صوت توقف سيارة.... وفتح باب السيارة)

الراكب:

- صباح الخير عمو

ش: - هلا والله..... استفتاح دولي شكله...فوت عمو فوت،،

(يدخل الراكب وصوت اغلاق الباب)

ش: وين يا مسهّل؟

ر: ع الجامعة الاردنية عمو لو سمحت

ش: ماشي ..بس عمو شو اللي عامله بحالك ..بها الشهر الفضيل.

ر: شو عامل ..ولا اشي هذا تاتووووه عمو وشوية رسومات

(صوت بريك شديد وزامور)

س: استغفر الله العظيم نوينا نسوّي حادث في بدايه هالشهر ال

كريم وانا بتفرج ع هالنضوة اللي بحدي،،

ر: ايش يعني نضوة عمو....؟

س: لا ولا اشي بس شو هاي الشغلات المرسومة عليك بتعني .

ر: اي وحده فيهم مثلا؟

س: هاي اللي ماخذه نص وجهك اللي ع جهتي

ر: هذا رسم بتلاوين المي لشعار فريق انجلترا في كرة القدم

س: اه..... طيب ما كأس العالم انتهت من الشهر الماضي وانته بعدك شغال كرة.

ر: لا عمو مش كرة قدم ..انا بغش فيهم،،

س: شو....بتغش بتلاوين ...بتدرس فنون جميلة والا طريش؟

ر: لا عمو انا بدرس سياسة واقتصاد بالجامعة ، وفيه عنا درس عن الوزارات المؤسسات ؟؟

س: اه بتلعب ع الثقيل ....وقلي كيف بتغش ؟

ر: انا بشبه كل وزارة او مؤسسة بفريق مع وصفه العالمي من النقاد ، بس المشكلة اني بخربط فيهم ومش قادر احفظهم.

س:

طيب قوللي فريق منتخب انجلترا في المونديال بشبه مين؟

ر: بشبه وزارة صحة

س: كيف بلا زغرة

ر: تاريخ عريق وإنجازات محدودة ، كل الناس تتوقع منه حضورا كبيرا ولكنه يسقط دائما في فخ الأخطاء،،

ش: طيب ...وزارة العمل بتشبه منتخب مين ؟

ر: وزارة العمل مثل منتخب اليابان: خطط ودراسات وحسابات بالمسطرة والقلم ، وفي نهاية الأمر ما بتظهر قوته إلا على الفرق الضعيفة وسرعان ما يعود لحجمه الطبيعي لما يصطدم بالفرق الكبيرة.

ش: هاظا ما انته قليل ...والله انك فلته...... ووزارة المالية ها اللي مجننيتنا بتشبه مين؟

ر: هاي مثل منتخب المانيا اللي راسم شعارة على ايديى اليمين ...واقعيته زائدة عن الحد وماكنته ما بتقيم وزنا للظروف ولا تعبأ بالآخرين ، وبنصب تركيزه على أن يكون أداء الدقيقة الأولى مماثلا لأداء الدقيقة الأخيرة...

ش: وهاظ شعار مين بلا مؤاخذه؟

ر: هاظ شعار منتخب امريكا عمو

ش: والأخ بشبه مين ؟

ر: بشبه وزارة الثقافة

ش: كيف...؟

ر: هاظا الفريق الأمريكي يلعب بارتياح لأن مجرد تواجده في المونديال أمر جيد وأكثر من اللازم ، خصوصا أن جماهيره مشغولة عنه بمتابعة مباريات البيسبول وكرة السلة.

ش: يا سلام يا سلام ..قال بقولوا طلاب اليوم ما بفهموا.......

ر: ما سألتني عمو عن......

(يقاطعه السائق)

ش: لا تسألني ولا بسألك ..انته قاعد بتطلع لفوق شوي شوي ......لا عمي ..هيك وصلنا ...هي باب الجامعة روح غش براحتك الله يسهل عليك.

ر: قديش بتؤمر عمو

ش: ع العداد نيرتين زي ما انته شايف،،

ر: بتحب اقولك العداد تبعك زي ايا منتخب؟

ش: لا بحب ولا بدي ...مع السلامه عمو روح غش براحتك ..روح طري صيامك.

(السائق يحكي لوحده)

قال بده ايغش ..والله بغشش عرب لحاله ...وبخشش مية واحد مثلي السجن وانا مش عارف ..وما بفطن حالي والا حلاق السجن بنتف بشعري .

يا كريم،،

[email protected]



التاريخ : 12-08-2010

رئيس مجلس الإدارة: محمد داوودية - رئيس التحرير المسؤول: مصطفي الريالات - المدير العام: الدكتور حسين العموش