الصفحات
الكاملة
تيوب
الدستور
رسالة جلالة
الملك للدستور
موقع
زوار الأردن
موقع
جلالة الملكة
موقع
جلالة الملك

المنتخبات والوزارات

يوسف غيشان

الأحد 27 حزيران / يونيو 2010.
عدد المقالات: 1905
المنتخبات والوزارات *يوسف غيشان

 

(ضجيج وزوامير توحي ان الشوفير يقود سيارته في الشارع).

الشوفير:

- يا صبّاح يا فتاح يا عليم شو هاظا اللي بإشرلي ، إنس والا جن؟

(صوت توقف سيارة.. وفتح باب السيارة).

الراكب:

- صباح الخير عمو

ش: هلا والله..... استفتاح دولي شكله...فوت عمو فوت،،

(يدخل الراكب وصوت اغلاق الباب)

ش: وين يا مسهّل؟

ر: ع الجامعة الاردنية عمو لو سمحت ش: ماشي .. بس عمو شو اللي عامله بحالك ..

ر: شو عامل ..ولا اشي هذا تاتووووه عمو وشوية رسومات

س: وشو هاي الشغلات المرسومة عليك بتعني .

ر: اي وحده فيهم مثلا؟

س: هاي اللي ماخذه نص وجهك اللي ع جهتي ر: هذا رسم بتلاوين المي لشعار فريق انجلترا في كرة القدم

س: اه..... يعني انت من عشاق الفوطبول

ر: لا عمو مش كرة قدم ..انا بغش فيهم،،

س: شو....بتغش بتلاوين ...بتدرس فنون جميلة والا طرّيش؟

ر: لا عمو انا بدرس سياسة واقتصاد بالجامعة ، وفيه عنا درس عن الوزارات المؤسسات الاردنية ؟؟

س: اه بتلعب ع الثقيل ....وقلي كيف بتغش ؟

ر: انا بشبه كل وزارة او مؤسسة بفريق مع وصفه العالمي من النقاد ، بس المشكلة اني بخربط فيهم ومش قادر احفظهم.

س:

طيب قوللي فريق منتخب انجلترا في المونديال بشبه مين؟

ر: بشبه وزارة الصحة

س: كيف بلا زغرة

ر: تاريخ عريق وإنجازات محدودة ، كل الناس تتوقع منه حضورا كبيرا ولكنه يسقط دائما في فخ الأخطاء القاتلة،،

ش: طيب ...وزارة العمل بتشبه منتخب مين ؟

ر: وزارة العمل مثل منتخب اليابان: خطط ودراسات وحسابات بالمسطرة والقلم ، وفي نهاية الأمر ما بتظهر قوته إلا على الفرق الضعيفة وسرعان ما بعود لحجمه الطبيعي لما يصطدم بالفرق الكبيرة.

ش: هاظا ما انته قليل ...والله انك فلته...... ووزارة المالية ها اللي مجننيتنا بتشبه مين؟

ر: هاي مثل منتخب المانيا اللي راسم شعاره على ايديى اليمين ...واقعيته زائدة عن الحد وماكنته ما بتقيم وزنا للظروف ولا تعبأ بالآخرين ، وبنصب تركيزه على أن يكون أداء الدقيقة الأولى مماثلا لأداء الدقيقة الأخيرة..لأرضاء المدرب .

ش: وهاظ شعار مين بلا مؤاخذه؟

ر: هاظ شعار منتخب امريكا عمو

ش: والأخ بشبه مين ؟

ر: بشبه وزارة الثقافة.....يلعب بارتياح لأن مجرد تواجده في المونديال أمر جيد وأكثر من اللازم ، خصوصا أن جماهيره مشغولة عنه بمتابعة مباريات البيسبول وكرة السلة.

ش: يا سلام يا سلام ..قال بقولوا طلاب اليوم ما بفهموا.......

ر: ما سألتني عمو عن وزارة الداخلية مين بتشبه؟

ش: هلا هلا ..بلشنا ع الغميق ... احكي بدون ما أسأل

ر: الداخلية بتشبه فريق الأرجنتين حلو..بس ليش

ر: ما حدا بشك بقوته وتميزه ولكن لاعب واحد فقط هو الذي يظهر في الصورة ، من أيام مارادونا حتى أيام ميسي.

ش: والله انك خطير يا ابو الوشوم

ر: ما سألتني عمو عن......

(يقاطعه الشوفير)

ش: لا تسألني ولا بسألك ..انته قاعد بتطلع لفوق شوي شوي ......لا عمي ..هيك وصلنا ...هي باب الجامعة روح غش براحتك الله يسهل عليك.

(الفكرة مسروقة بتصرف كبير من مقال جاءني على النت).

[email protected]

التاريخ : 27-06-2010

رئيس مجلس الإدارة: محمد داوودية - رئيس التحرير المسؤول: مصطفي الريالات - المدير العام: الدكتور حسين العموش