الصفحات
الكاملة
تيوب
الدستور
رسالة جلالة
الملك للدستور
موقع
زوار الأردن
موقع
جلالة الملكة
موقع
جلالة الملك

قلت آه

تم نشره في السبت 7 أيار / مايو 2011. 03:00 مـساءً
قلت آه

 

* قصيدة رثاء في والدتي الغالية المرحومة باذن الله

(مليحه محمدعرموش النعيمات)



ياخوك يامحمد عيوني سهيره

من نار ٍ بقلبي تواقد سعيره

نار ٍ زمت بين الضلوع القصيره

ودمعي تِذارف فوق خدي مطيره

قلت اه واويلاه حالي عزيره

عامن توارت وسط هيك الحفيره

امي ارحلت عنا بلحظه مريره

مصيبة ٍ جتنا بليا نذيره

موت الشفوق اللي علينا حسيره

امي ولا لها أبد من نظيره

ياليت لي ياخوي بألامر خيره

ياكوّد ناقف دونها بالشطيره

لاعمارنا نجلب نهار الجريره

مير الامر في يد منهو يديره

ومن قدرته على الخلايق قديره

ادعيه انا وارجيه دوم استخيره

امي عساها في علو ٍ قريره

يالله يامجري البحور الغزيره

وصلاة ربي عد رمل الجزيره

وكبدي عليله من نذير ٍ لفاها

جوى الحشا ياخوك يشعل سناها

واركت على قلبي قوي ٍ لظاها

والعقل مني ضاع سبّة عناها

والنفس من زود المواجع غثاها

ولاعاد بعد اليوم عيني تراها

مصيبة ٍ حطت علينا بلاها

أمر بها الخلاّق يومن قضاها

انا اشهد انه سم حالي وطواها

عندي ولا من بالموده سواها

والروح تفدى كل منهو يهواها

وإلا نسوق اموال لاجل إنحماها

ولا نًحسب احساب للي نواها

الواحد المعبود رافع سماها

بيده شفا نفس ٍ وبيده فناها

يرحم عظام اللي لقربه خذاها

في جنة الفردوس عله جزاها

انك بلطفك يالطيف إتحباها

على رسول ٍ للفضايل هداها



* سالم زعل النعيمي

التاريخ : 07-05-2011

رئيس مجلس الإدارة: محمد داوودية - رئيس التحرير المسؤول: مصطفي الريالات - المدير العام: الدكتور حسين العموش