الصفحات
الكاملة
تيوب
الدستور
رسالة جلالة
الملك للدستور
موقع
زوار الأردن
موقع
جلالة الملكة
موقع
جلالة الملك

من فوائد فرض الضريبة الجديدة

كامل النصيرات

الاثنين 11 أيلول / سبتمبر 2017.
عدد المقالات: 647

كل الناس بالأردن مش عاجبها الضريبة التي ستفرضها الحكومة مع أنّ نظرة أو أقل من التفاتة إليها سيعرفون النعم التي ستهبط عليهم بعدها ..التفتوا قليلاً للضريبة ولا تتوقفوا عند دفع المصاري فقط ..!
إليكم بعض الفوائد ..
إذا فرضت الضريبة؛ نستطيع أن نتخفف من الملابس ..لأننا لن نعود قادرين على شراء كل الملابس ..بلاش فانيلا و قميص وبنطلون ..يكفي فانيلا و بنطلون و امشي في الشارع خفيف..!
الكثيرون منزعجون من بعض العزايم ..بعد الضريبة الجديدة؛ ما حدا رح يعتب على حدا ..وهيك يموت الانزعاج ..وما حدا يتجرّأ يطلب منك عزيمة ولو على علبة تونة أو سردين ..!
طول عمرنا نسمع عن (أكل الهوا) و نستخدمه مجازاً ,,بعد الضريبة ستأكل الهوا عن جد و ستعرف طعمه و ما هي مزاياه و كيف تخبيلك شوية هوا أبيض ليومك الأسود ..!
لن تنكش أسنانك بعد الضريبة ..لأنك طاقتك الداخلية ستشفط ما يعلق بين أسنانك لنقصان كمية الطعام ..وهيك استغنينا عن عود من الأرض أو إنك تشتري نكاشات أو حتى تنكشهن بكرتونة علبة الدخان ..!
لن تسرف في الماء ولا الكهرباء و ستوفر غصب عن اللي خلّفوا اللي خلّفوك حتى لو كانت الكهربا و الميّة سرقة من تحت لتحت ..!
ستفكر  تفكر و تفكر كيف ترفع دخلك ؟ وكيف تجيب مصاري ...؟ وكيف تخطط ؟ وكيف وكيف وكيف ..؟ وهذا يعني أنك ستستخدم عقلك أكثر من الأول ..بدل ما أنت قاعد تستخدمه في الشغلات الفاضية ..!
اقبل بالضريبة وانت ساكن وإلا جاءتك ضريبة من حيث لا تعلم و عملتك كفتة أصابع بلا طحينية ولا بندورة ولا بقدونس وبصل ..!

رئيس مجلس الإدارة: محمد داوودية - رئيس التحرير المسؤول: مصطفي الريالات - المدير العام: الدكتور حسين العموش